Nyagatare: Hegitari 73 z’umuceri na 40 z’ibigori nizo zimaze kumenyekana ko zangijwe n’imvura

Yanditswe na KT Radio Team February 6, 2020 - 15:00

Hegitari 73 z’umuceri na 40 z’ibigori nizo zimaze kumenyekana ko zangijwe n’umuvu w’amazi mu karere ka Nyagatare, nyuma y’imvura nyinshi ivanze n’umuyaga imaze iminsi igwa.

Ni mu gihe kandi abaturage 5 bomu murenge wa Kiyombe nabo amazu yabo yasenyutse
Uretse imyaka yangijwe n’umwuzure umuhanda ugana Gihengeri mu murenge wa Mukama ntukiri nyabagendwa ndetse n’amatiyo akura amazi ku ruganda rwa Gihengeri akaba yaracitse.

Umuyobozi w’akarere ka Nyagatare Mushabe David Claudian avuga ko n’ubwo ibihombo byagaragaye ariko hari ikizere ko imvura idakomeje cyaba gicye.

Avuga ko gahunda y’ubwishingizi ku bahinzi b’umuceri izatangirana n’igihembwe cy’ihinga gitaha ariko nanone bagiye gushyira imbaraga mu gukangurira n’abahinzi b’ibigori kubikora.

Umva inkuru irambuye hano: