Abarimu barinubira itinda ry’umushahara wabo

Yanditswe na KT Radio Team February 12, 2020 - 12:30

Bamwe mu barimu bavuga ko batumva impamvu umushahara wabo utinda kubageraho kandi baba bawukeneye ngo ubafashe mu mibereho yabo ya buri munsi.

Abaganiriye na Kigali Today bavuga ko baheruka umushahara w’Ukuboza 2019, wabagezeho mu mpera z’uko kwezi, bakaba barategereje uwa Mutarama uyu mwaka amaso agahera mu kirere kandi haba hari imyenda bagomba kwishyura no gukemura ibindi bibazo by’ingo zab.

Umwe mu bashinzwe imishahara y’abarimu, Beshobeza Jean Damascène ukorera mu karere ka Nyagatare, avuga ko gutinda kw’imishahara y’abarimu ari ikibazo rusange, ko akenshi biterwa no gushyira abarimu mu myanya bitinda.

Umuyobozi mukuru w’Ikigo cy’igihugu cyita ku burezi REB, Dr Irénée Ndayambaje, avuga ko gahunda yo gushyira abarimu bashya mu myanya bayitunganyije mu turere dusaga 25, gusa ngo bakomeje gukorana n’abayobozi batandukanye mu turere kugira ngo byihutishwe birangire.

Umva inkuru irambuye hano: