COVID 19: Gushyingura muri iyi minsi bigomba gukorwa n’abantu bake bagize umuryango – Ubuyobozi

Yanditswe na KT Radio Team March 25, 2020 - 07:50

Muri iki gihe hafashwe ingamba zikomeye zo kwirinda icyorezo cya Covid 19, Umuyobozi w’akarere ka Nyagatare Mushabe David Claudian aributsa abaturage ko gushyingura bikwiye gukorwa n’abantu bacye bagize umuryango.

Abitangaje mugihe abaturage b’umudugudu wa Kabare akagari ka Kabare bagaragaza impungenge z’ukuntu baribushyingure umuturage wabo waraye yitabye Imana kandi mu baje gutabara harimo abagize umuryango we batuye I Kigali.

Mushabe David Claudian avuga ko gushyingura muri ibi bihe byo kwirinda ikwirakwira rya CoronaVirus bikorwa n’abantu bacye bagize umuryango. Yibutsa kandi abifuza kugana akarere ko babanza kunyura mu buyobozi bw’aho batuye bagahabwa uburenganzira, aho kugenda bacengacenga ubuyobozi, kuko uretse gushyira ubuzima bwabo mu kaga, bashobora no kwanduza abandi.

Umva inkuru irambuye hano: