Kutagera aho abacu baruhukiye biratuvuna ariko turihangana – Abarokotse Jenoside

Yanditswe na KT Radio Team April 9, 2020 - 16:50

Abarokotse Jenoside yakorewe Abatutsi mu 1994 bavuga ko kuba batabasha kugera ku nzibutso ngo bunamire ababo bibavuna, ariko ngo barabyihanganira bakabibukira aho bari kuko bagomba kwirinda icyorezo cya Covid19.

Ibi barabivuga mu gihe u Rwanda ruri mu cyumweru cy’icyunamo mu rwego rwo kwibuka ku nshuro ya 26 Jenoside yakorewe Abatutsi mu 1994, ibikorwa byo kwibuka bikaba bitarimo kuba nk’uko bisanzwe kubera icyorezo cya Covid-19 cyugarije u Rwanda n’isi muri rusange.

Abarokotse Jenoside yakorewe Abatutsi ariko bavuga ko n’ubwo kuri iyi nshuro Abanyarwanda bibuka mu buryo budasanzwe, bitababuza kwibuka inzirakarengane zishwe muri Jenoside n’ubwo bitoroshye.

Kwibuka ku nshuro ya 26 bizakomeza kubera mu ngo, ariko ibiganiro bitandukanye bijyanye n’icyo gikorwa bizakomeza kunyura ku maradiyo na televiziyo bitandukanye ndetse no ku mbuga nkoranyambaga.

Umva inkuru irambuye hano: