MUSANZE IBIGEGA N’IMIYOBORO Y’AMAZI BYATANGIYE KUBAKWA BYITEZWEHO KONGERA INGANO Y’AMAZI

Yanditswe na KT Radio Team May 29, 2020 - 08:41

Ibigega bine bya metero cube zirenga ibihumbi 5 n’imiyoboro y’amazi ireshya na Km 47 byatangiye kubakwa mu karere ka Musanze, byitezweho gukemura burundu ikibazo cy’ibura ry’amazi rya hato na hato rihagaragara.

Uyu mushinga uri gushyirwa mu bikorwa n’Ikigo gishinzwe gukwirakwiza amazi isuku n’isukura WASAC ku bufatanye n’akarere ka Musanze ku nkunga ya Banki y’isi, biteganyijwe ko uzarangirana n’uyu mwaka wa 2020.

Abaturage barimo n’abatuye mu bice bikunze kubura amazi, bavuga ko bamaze igihe bahanganye n’ingaruka z’iki kibazo; biteze ko nigikemuka izaba ari intambwe nziza itewe.