Nta mabati ya asbestos azaba akigaragara mu Rwanda muri 2022 – RHA

Yanditswe na KT Radio Team June 24, 2020 - 19:55

Abashinzwe imiturire mu Rwanda baremeza ko muri 2020 mu Rwanda nta nzu isakaje amabati ya Asbestos izaba ikirangwa mu Rwanda.

Ibi biremezwa n’umuyobozi mukuru w’agateganyo w’ikigo gishinzwe imiturire mu Rwanda Augustin Kampayana, uvuga ko hatagize igihinduka, umwaka w’ingengo y’imari wa 2020-2021 uzarangira nta mabati ya asbestos akiri ku nyubako zo mu Rwanda.

Augustin Kampayana avuga ko bizagerwaho ashingiye ku ntego bihaye ko muri uyu mwaka w’ingengo y’imari gukuraho asbestos bizihutishwa aho gutegereza ingengo y’imari ya buri mwaka nk’uko bisanzwe bigenda.

Izi ngamba zafashwe nyuma y’uko abaturage Perezida Kagame yasuye mu bihe bitandukanye bamugaragarije ko hari inyubako nyinshi za rusange zigisakajwe asbestos kandi abahanga bemeza ko umukungugu uva kuri ayo mabati utera indwara zo mu myanya y’ubuhumekero, na kanseri y’ibihaha.

Umva inkuru irambuye hano: