#COVID-19: Inzego z’ubuzima zirahumuriza Abanyakigali n’abagororwa

Yanditswe na KT Radio Team June 30, 2020 - 08:45

Umuyobozi w’Ikigo cy’Igihugu gishinzwe Ubuzima(RBC), Dr. Sabin Nsanzimana, aravuga ko nubwo i Kigali hakomeje kuboneka abarwayi benshi ba COVID-19 ndetse hakaba hari n’abandi benshi baraye babonetse mu bafunzwe, bidakwiye gutera impungenge, kuko babonetse ahantu hamwe batarakwirakwira mu bantu benshi.

Mu kiganiro yagiranye na RBA mu gitondo cyo kuri uyu wa Kabiri tariki 30 Kamena 2020, Dr Sabin Nsanzimana yasobanuye ko abantu 72 bagaragayeho COVID-19 bamwe bagakeka ko bari muri Gereza atari byo, ahubwo ngo ni abari bafungiye muri Kasho.

Umva Dr. Sabin Nsanzimana hano:

Ibi bisobanuro bitanzwe nyuma y’uko ku wa mbere tariki 29 Kamena 2020 Minisiteri y’Ubuzima yatangaje imibare myinshi y’abagaragayeho icyo cyorezo ku munsi umwe, aho habonetse abarwayi bashya 101.

Kugeza ubu mu Rwanda abanduye icyo cyorezo bose hamwe bamaze kuba 1,001.