Icyatumye dushyiraho ibihano by’amafaranga ni uko imibare ikomeje kwiyongera – Rubingisa uyobora Kigali

Yanditswe na KT Radio Team September 3, 2020 - 19:30

Abatubahiriza amabwiriza yashyizweho yo kwirinda icyorezo cya covid19 mu mujyi wa Kigali, bashyiriweho ibihano bikaze birimo amande y’amafaranga y’U Rwanda kuva ku bihumbi icumi (10,000) kugera kuri miriyoni (1,000,000).

Ibi ni ibyatangajwe mu kiganiro n’abanyamakuru kuri uyu wa kane taliki 3 Nzeli 2020 n’ubuyobozi bw’umujyi wa Kigali, nyuma y’uko inama njyanama iteranye igasanga abakomeje kurenga kuri aya mabwiriza bakwiye guhabwa ibihano.

Umuyobozi w’umujyi wa Kigali Pudence Rubingisa yatangaje ko batagamije guca abantu amafaranga ahubwo igishyizwe imbere ari ubuzima buzira covid19 bw’abatuye Kigali.

Umujyi wa Kigali kandi wibukijeko uzahanwa inshuro zirenze ebyiri, bizafatwa nko kwigomeka ku buyobozi bw’igihugu akazakurikiranwa n’inzego z’umutekano mu bugenzacyaha akagezwa n’imbere y’inkiko agahanishwa ibiteganywa n’amategeko.

Umva inkuru irambuye hano: