Ngororero: Ushinzwe uburezi yafunzwe azira gusinda agasagarira abubaka amashuri

Yanditswe na KT Radio Team September 4, 2020 - 12:24

Umukozi ushinzwe uburezi mu murenge wa Matyazo mu karere ka Ngororero akurikiranwe n’irwego rw’ubugenzacyaga (RIB) kubera kurenga ku mabwiriza yo kwirinda icyorezo cya Coronavirus, akanywa agasinda akanasagarira abubaka amashuri muri uwo murenge.

Umunyamabanga nshingwabikorwa w’umurenge wa Matyazo Tuyishime Dieu Donne avuga ko Batumika yashyikirijwe (RIB) ngo akurikiranweho amakosa yakoze yarenze ku mabwiriza yo kwirinda COVIUD19 agasinda, ndetse agasagarira abaturage, kandi akaba azisobanura mu rwego rw’akazi nk’uko bikorwa mu mabwiriza agenga abakozi.

Ephrem Murindabigwi wa KT Radio yaganiriye n’umunyambanga nshingwabikorwa w’Umurenge wa Matyazo mu karere ka Ngororero atangira amubaza icyatumye Batumika Theogene ashykirizwa RIB.