Gutwitira undi muntu byatangiye gukorwa mu Rwanda

Yanditswe na KT Radio Team September 14, 2020 - 08:42

Ku wa gatanu tariki 11 Nzeri 2020, Urukiko rwisumbuye rwa Nyarugenge rwemeje ishingiro ry’amasezerano imiryango ibiri yagiranye, y’uko umuryango umwe uzatwitira undi wari umaze imyaka 10 warabuze urubyaro.

Urugo rwo muri Kicukiro rwabuze urubyaro maze rusaba abaganga gukuramo intanga y’umugabo n’iy’umugore bakazihuriza mu mashini, igi bakaritera muri nyababyeyi y’undi mugore wo mu rundi rugo akabatwitira, akabyara akazabaha umwana nyuma y’amezi atandatu avutse.

Ingo zombi(ni ukuvuga urwabuze urubyaro n’urwemeye kubatwitira) bitabaje abunganizi mu by’amategeko bagize imiryango iharanira uburenganzira bwa Muntu ya Haguruka na Health Development Initiative(HDI), kugira ngo basabe urukiko icyemezo gihesha abaganga gukora iyo serivisi.

Umuyobozi w’Umuryango HDI, Dr Aflodis Kagaba avuga ko agiye gutangiza ubukangurambaga n’ubuvugizi kugira ngo iyo serivisi ijye ikorwa abantu batarinze kunyura mu nkiko.

Mugenzi wacu Simon Kamuzinzi yaganiriye n’abanyamategeko bunganiye urwo rugo rwabuze urubyaro mu rukiko, mae adutegurira inkuru ikurikira: