Banki y’Abaturage (BPR) irimo kwakira icya cumi n’amaturo y’Abadivantisiti b’umunsi wa karindwi

Yanditswe na KT Radio Team October 15, 2020 - 20:30

Bankiy’Abaturage (BPR atlas mara) yatangije ubufatanye n’Itorero ry’Abadivantisiti b’Umunsi wa karindwi, aho abanyetorero bose bazajya banyuza amaturo n’icya cumi (1/10) babinyujije mu ikoranabuhanga rya Mo-Pay.

Ubuyobozi bw’Abadivantisiti b’umunsi wa karindwi (SDA) mu Rwanda hamwe na Banki y’Abaturage bakoze inama kuri uyu wa kane tariki 15 Ukwakira 2020, bemeranywa ko nta mudivantisiti w’umunsi wa karindwi uzongera gutanga amaturo n’Icya cumi (1/10) akoze ku mafaranga.

Umuntu wese ufite telefone zigezweho (smart phone) azajya ashyiramo ikoranabuhanga cyangwa se (App) rya Mo-Pay, arifungure rimwereke uburyo yakura amafaranga ye kuri konti yo muri banki cyangwa kuri Mobile Money, agahita atanga ituro n’icyacumi kuri konti y’urusengero rwe rw’Abadivantisti.

Hari n’uburyo budakenera internet buzakoreshwa n’umuntu ufite telefone iyo ariyo yose agakanda *517#, maze akagenda akurikiza ibyo asabwa.

Umva inkuru irambuye hano: