“Imibonano mpuzabitsina ntabwo ari ibikwajina la Yesu”, Rwanda Women’s Network

Yanditswe na KT Radio Team October 28, 2020 - 11:11

Kuba imibare y’abangavu baterwa inda mu Rwanda yiyongera buri mwaka, ndetse 20.5% akaba ari abana batarengeje imyaka 11 y’ubukure, ikosa rirashyirwa ahanini ku babyeyi bashinjwa kutabaganiriza.
Umuryango uharanira iterambere ry’umugore mu Rwanda witwa Rwanda Women’s Network, uvuga ko abana bakunze gusaba ibisobanuro ababyeyi ku mikorere y’ibitsina ariko bakabima ayo makuru bababwira ko ari ibishitani, bigatuma bajya kuyashakira ku babasambanya.

Dr Anicet Nzabonimpa, Impuguke mu buzima bw’imyororokere akaba ari umwe mu bayobozi ba Rwanda Women’s Network usaba ababyeyi kuganiriza abana ku mikorere y’ingingo z’umubiri zishinzwe kubyara.

Dr Nzabonimpa avuga ko imisemburo itera abantu kwifuzanya, iyo ije ku mwana utarasobanukiwe uko akwiriye kurinda ingingo z’umubiri we zishinzwe kubyara, ngo bimuviramo kutihangana agakora icyaha cyo kuzikoresha imburagihe kandi nabi.

Umukozi w’Umuryango ukangurira abagabo gufatanya n’abagore mu nshingano z’urugo (RWAMREC), Uwase Aisha we yongeraho ko ababyeyi batagombye kugira ubwiru amazina y’ibice by’umubiri byitwa iby’ibanga.

Umva inkuru irambuye hano:

Ababyeyi baganiriza abana/Imbuto Foundation

Tanga Igitekerezo