Philippines: Umupolisi yishwe n’inkoko y’isake

Yanditswe na KT Radio Team October 29, 2020 - 12:19

Mu gihugu cya Philippines, umupolisi yishwe n’isake ubwo yagerageza guhagarika umukino wo kurwanisha amasake, ukunzwe muri icyo gihugu.

Inkuru dukesha chaine ya televeision CNN iravuga ko ibi byabereye mu ntara yitwa Samar iri mu majyaruguru y’icyo gihugu, Ubwo abapolisi bari mu gikorwa cyo guhagarika iyi mikiko yari irimo kubera mu nzu iri munsi y’ubutaka (cave).

Uyu mupolisi yagerageje guterura iyi nkoko ariko icyuma cyari cyashyizwe ku maguru yayo mu gihe yari irimo kurwana, kimutema umutsi wo ku kaguru.

Ubusanzwe inkoko zishyirwa mu mikino yo kurwana zambikwa ibyuma ku maguru ari nabyo bituma imwe yica ngenzi yayo bityo ikaba iratsinze.

Umuvugizi wa polisi yavuze ko uyu mupolisi witwa Christian Bolok yajyanywe kwa muganga arimo kuvirirana, ariko bamugejejeyo amaraso yamushizemo, ahita yitaba imana.

Imikino yo kurwanisha inkoko aho muri Philippines ikaba yarahagaritswe mu kwezi kwa munani nyuma yo gusanga aho ibera ari hamwe mu hantu haturukaga abarwayi benshi ba Covid-19.

Usibye iyi nkoko yishe umupolisi, aho byabereye bahasanze izindi nkoko zirindwi, mu gihe abantu batatu batawe muri yombi, n’aho abandi batatu baratoroka.

Tanga Igitekerezo