Huye: Ku Bitaro bya Kabutare bari kuvura abafite ubusembwa ku mubiri

Yanditswe na KT Radio Team November 19, 2020 - 10:00

Guhera kuwa mbere tariki 16/11/2020 kuzageza kuwa gatanu tariki 20/11/2020, inzobere z’abaganga zikora umurimo wo gukosora ubusembwa ku mubiri inyuma, ziri kuvurira ku bitaro bya Kabutare.

Abafite ibisebe byanze gukira byaba ibyizanye cyangwa ibikomoka ku zindi mpamvu harimo n’ubushye, abafite ibibari, abafite ibishyundu n’ibindi bintu ku ruhu bibatera ubusembwa, ni bo bahamagariwe kwitabira iyi gahunda.

Itsinda ry’abaganga b’impuguke mu gukosora ubusembwa ku mubiri (Chirurgie plastique, esthétique et reconstructive), hamwe n’abandi batatu bari kubyigisha na bo bari hafi kubibonera impamyabushobozi, kimwe n’abandi baganga bafasha mu kubaga, ni bo baje muri iki gikorwa kiri guterwa inkunga n’umuryango Operation Smile.

Mu minsi ibiri bamaze ku bitaro bya Kabutare, aba baganga bamaze gusuzuma abarwayi 120, kandi bamaze kubaga 23. Barateganya kuzabaga abandi 27, hanyuma bagasoza igikorwa.

Mu bo basuzumye batazavura, abazabasha kubasanga aho bazasubukurira iki gikorwa, bazabafasha. Aho ni mu Ruhengeri mu Ukuboza 2020, i Kigali muri Mutarama 2021, ku Kibuye muri Gashyantare 2020, no mu Bushenge muri Werurwe 2020. I Kibungo ho ngo ni ho bahereye.

Umva inkuru irambuye hano:

Tanga Igitekerezo