Gucana amakara n’inkwi byangiza ikirere! None igisubizo cyaba ikihe?

Yanditswe na KT Radio Team January 14, 2021 - 14:25

Mu gihe abahanga mu bijyanye n’ibidukikije bavuga ko gucana amakara n’inkwi byangiza ikirere, byatumye hatekerezwa kwifashisha gaz mu guteka kuko ari yo yabasha kugera kuri benshi, inahendutse kurusha umuriro w’amashanyarazi.

Ariko na none hari abaturage bavuga ko gaz ihenda, ku buryo atari buri wese wayigondera.

Raporo ya sosiyete nyarwanda ishinzwe ingufu yo mu mwaka wa 2018, igaragaza ko mu Rwanda abifashisha inkwi mu gucana ari 79%, naho abifashisha amakara bakaba 17.4%. 

Ibi bivuga ko hatagize igikorwa amashyamba yashiraho burundu, nyamara afite umumaro munini wo gusukura umwuka abantu bahumeka nk’uko byemezwa na David Murindababisha, umunyeshuri kuri kaminuza ya Nottingham mu Bwongereza, uri gukora ubushakashatsi ku byangiza ikirere, mu rwego rwo gukorera impamyabushobozi y’ikirenga (PHD).

Tanga Igitekerezo