Umuryango urashinjwa gutererana abagororerwa mu bigo ngororamuco, bigatuma basubirayo

Yanditswe na KT Radio Team February 17, 2022 - 08:38

Ikigo cy’igihugu gishinzwe igororamuco kivuga ko imwe mu mpamvu ituma abamaze kugororerwa mu bigo ngororamuco bongera gusubirayo, ari uko imwe mu miryango yabo ibatoteza ndetse hakaba n’abatabibonamo mu gihe bamaze gutaha.

Umuyobozi mukuru w’ikigo cy’igihugu cy’igororamuco Fred Mufulukye, yemeza ko umubare w’abamara kugororerwa mu bigo ngororamuco mu Rwanda bagasubirayo ugenda wiyongera.

Muri uko kwiyongera, Mufurukye agatunga agatoki imiryango y’abo baba barahuye n’ibibazo binyuranye bikaba ngombwa ko bagororwa, kuko iyo bahawe akato mu miryango yabo, ubuhungiro bongera kubushakira mu bigo bahoze bagororerwamo.

Iyi ni imwe mu mpamvu zanatumye abakozi b’iki kigo, bamara hafi icyumweru cyose mu mahugurwa agamije kubongerera ubumenyi, nyuma yo kuyasoza mu cyumweru gishize, bakaba barinjijwe mu rwego rw’intore, bahabwa izina ry ‘Indatezuka’.

Tanga Igitekerezo