Ruhango: Abaturage barifuza ko Inama Njyanama ibakorera ubuvugizi ku bikorwa by’iterambere

Yanditswe na KT Radio Team March 29, 2022 - 11:26

Mu karere ka Ruhango hari abaturage bavuga ko bakererewe kubona imbuto z’ibigori kuri nkunganire, mu gihe hari abakuze bavuga ko bagorwa n’ikoranabuhanga mu guhabwa inkunga y’ingoboka.

Babitangaje mu biganiro barimo kugirana n’abagize inama njyanama y’akarere ka Ruhango, muri gahunda igamije kwegera abaturage mu rwego rwo kubasobanurira imiterere n’imikorere y’Inama Njyanama, ndetse n’uruhare rw’Inama Njyanama mu iterambere ry’Akarere.

Umuturage witwa Muragijimana Seraphine avuga ko yari azi Inama Njyanama yacyuye igihe, kandi yari azi umwe mu bavugira abaturage, kandi hari ibyo babasabye bigashyirwa mu bikorwa harimo nko kubona umuriro w’amashanyarazi.

Muragijimana avuga ko nko ku mashanyarazi hari ibitaranoga neza kuko hari aho ataragera neza kuko hari ingo nyinshi zitarayabona, akifuza ko Abajyanama bashyira imbaraga mu gukora ubuvugizi amashanyarazi akaboneka.

Tanga Igitekerezo