‘Ikofi’ yitezweho gukemura ikibazo cy’inyongeramusaruro zatindaga

Yanditswe na KT Radio Team June 20, 2019 - 11:51

Minisitiri w’Ubuhinzi n’Ubworozi, Dr Géraldine Mukeshimana avuga ko gahunda y’Ikofi yo gufasha abahinzi kongera umusaruro yatangijwe na Banki ya Kigali (BK) izafasha mu gukemura ikibazo cy’itinda ry’imbuto n’ifumbire abahinzi bahora bavuga.
Iyo gahunda imaze igihe gito itangiye, igamije kwandika abahinzi n’imyirondoro yabo mu buryo bw’ikoranabuhanga ku buryo buri wese igaragaza imikorere ye, ikamufasha kandi kwizigamira amafaranga kuri telefone ku buryo icyo yakenera akigura bitamugoye kikamugeraho ku gihe.
Umukozi wa BK mu ishami ry’ubucuruzi, Mutangana Félix, avuga ko kugeza ubu BK ikorana n’abahinzi basaga miliyoni imwe n’ibihumbi 400, abagera ku bihumbi 100 bakaba ari bo bamaze kwiyandikisha mu Ikofi, ndetse n’abacuruza inyongeramusaruro 1200 bakaba bariyandikishije mu ikofi.

Umva inkuru irambuye hano: