Nyagatare: Kuri Eid al-Adha abayislam basangiye n’abatishoboye hatitawe ku idini

Yanditswe na KT Radio Team August 12, 2019 - 12:42

Abayislamu bo mu Karere ka Nyagatare baravuga ko Umunsi Mukuru w’igitambo uzwi nka Eid al-Adha ubibutsa inyigisho zibasaba kutarangwa n’ivangura ahubwo bakunga ubumwe.
Ashingiye ku nyigisho z’intumwa Mohamed, uwitwa Kawesi Abdallah avuga ko umuyislamu muzima agomba kubana neza n’abandi bantu bose hatitawe ku myemerere cyangwa inkomoko.
Bigirimana Ali, Imam w’umusigiti wa Nyagatare asaba abayisilamu kubaha uyu mugenzo wo kubaga amatungo bagasangira n’inshuti, abaturanyi n’abatishoboye.
Ku musigiti wa Nyagatare, kuri uyu munsi mukuru Abayislamu bishatsemo inka ebyiri n’ihene 2 zo kugaburira imiryango itishoboye hatarebwe idini.
Hagati aho ikinyamakuru the new times kiravuga ko munsi w’ejo mu gihugu hose habazwe inka zigera ku 1000 ndetse n’ihene 1500 mu gihe abayislam bizihizaga uyu munsi wa Eid al adha.