Impunzi zitari mu nkambi zatangiye kwishyurirwa mituweri

Yanditswe na KT Radio Team August 22, 2019 - 18:26

Minisiteri ishinzwe ibikorwa by’ubutabazi (MINEMA) ivuga ko impunzi zisaga ibihumbi 13 zitaba mu nkambi zashyiriweho gahunda yo kuzishyurira mituweri kugira ngo zibone uko zivuza kuko iziri mu nkambi zifite uko zivurirwayo.

Ni igikorwa kiri mu masezerano yashyizweho umukono hagati y’Ishami ry’Umuryango w’Abibumbye ryita ku mpunzi (HCR), Minisiteri ishinzwe ibikorwa by’Ubutabazi (MINEMA) n’Ikigo cy’igihugu cy’ubwiteganyirize (RSSB).
Umunyamabanga uhoraho muri MINEMA, Kayumba Olivier, avuga ko ibyo byakozwe mu rwego rwo gushyira mu bikorwa ibyo Leta y’u Rwanda yiyemeje mu rwego rwo gufasha impunzi, cyane cyane izitari mu nkambi.
Akomeza avuga ko mu mpunzi zishyuriwe mituweri, nyishi ari iz’Abarundi, hagakurikiraho iza Repuburika Iharanira Demokarasi ya Congo na ho izo mu bindi bihugu ngo zikaba 2%.

Icyo cyemezo ngo kireba impunzi yose iri mu Rwanda mu buryo bwemewe n’amategeko, kandi zitaba mu nkambi iyo ari yo yose.

Kwishyurira impunzi mutuelle bikaba byaratwaye 96,775,000Frw.

Umva inkuru irambuye hano: