Ubu rero n’iyo urupfu rwaza rukijyanira ariko mvuye i Maka – Umukecuru w’imyaka 86

Yanditswe na KT Radio Team August 27, 2019 - 08:35

Abayoboke b’idini ya Islamu mirongo inani na batanu (85) bageze i Kigali ku cyumweru tariki 25 Kanama 2019 baturutse i Maka muri Arabiya Sawudite, aho bari baragiye mu mutambagiro (Hidja).

Umwe muri aba ni umukecuru witwa Amina Mukanduhura w’imyaka 86 y’amavuko wagiye avuga ko atazi niba azagerayo, wishimiye kugarukana nabo ari muzima. Ubwo bahagurukaga tariki 28 nyakanga, uyu mukecuru yagaragazaga intege nke z’izabukuru, ndetse na we akivugira ko atazi niba azagerayo.

Ubwo bageraga i Kigali ku kibuga cy’indege, mu mpera z’icyumweru gishize, uyu mukecuru yari ari kumwe n’abandi bajyanye akavuga ko yujuje ibyo yasabwaga. Uyu mukecuru avuga yari afite akagare yahaguze yakoreshaga mu kugenda kamworohereje gukora uwo mutambagiro mutagatifu.

Uyu mukecuru yashimiye ubuyobozi bw’Umuryango w’Abayislamu n’ubw’igihugu cy’u Rwanda bwabafashije kuzuza ibyo basabwa byerekeranye n’imyemerere.

Umva inkuru irambuye hano: