Umuturage yaciwe ikirimi arembera mu rugo, uwakimuciye aratoroka

Yanditswe na KT Radio Team August 27, 2019 - 09:45

Nyirahabineza Gertulde perezida w’abavuzi gakondo mu Rwanda (AGA Rwanda Network) arasaba inzego z’umutekano n’ubuyobozi bwite bwa Leta guhana bamwe mu bavuzi gakondo barenga ku mabwiriza bakavura indwara zibahuza n’inyama n’amaraso kubera gushaka amafaranga.

Atangaje ibi nyuma y’aho uwitwa Kamatamu Jaqueline umuvuzi gakondo mu mudugudu wa Mitayayo ya mbere akagari ka Rwentanga umurenge wa Matimba aciriye umuntu ikirimi akarembera mu rugo yivurisha isukari n’umunyu.

Ibi bikaba byarabaye ku wa gatatu w’icyumweru gishize ubwo uwitwa Uwingeneye Joseline w’imyaka 24 yajyaga kwa Kamatamu Jaqueline kwicisha ikirimi, nyuma yo guhabwa imiti yo kwa muganga ntakire.

Abazi ibyitwa ibirimi bavuga ko ari inyama yitwa akamironko igabanya ubwinshi bw’ibyoherejwe mu muhogo iba yabyimbye bakaba ariyo bakata. Muri uku kuyikata rero bishobora kuviramo umurwayi gupfa cyangwa se akarwara indwara ya cancer.

Umva inkuru irambuye hano: