Imyuga n’ubumenyingiro ni ipfundo ry’iterambere ry’ubukungu-Minisitiri Ngirente

Yanditswe na KT Radio Team August 28, 2019 - 13:15

Minisitiri w’Intebe w’u Rwanda, Dr Edouard Ngirente, ahamya ko imyuga n’ubumenyingiro ari ipfundo ry’iterambere ry’ibihugu, cyane cyane iyo bishyizwemo ingufu bikigishanywa ubuhanga.

Yabigarutseho tariki 27 Kanama 2019, ubwo yatangizaga inama mpuzamahanga ivuga ku kamaro k’imyuga n’ubumenyingiro muri Afurika, inama yiswe CAPA (Commonwealth Association of Technical Universities and Polytechnics in Africa), ikaba yitabiriwe n’abayobozi batandukanye haba mu Rwanda no bindi bihugu bya Afurika.

Umunyamabanga mukuru wa CAPA, Mme Jahou S. Faal, avuga ko umuryango akuriye ushishikariza ibihugu bya Afurika kudakora nka nyamwigendaho, ahubwo ngo bikorere hamwe mu rwego rwo guteza imbere imyuga.

Umuryango CAPA washinzwe mu 1978, ufite intego yo guteza imbere imyuga n’ubumenyingiro (TVET), hagamijwe guhanga imirimo myinshi izageza ku iterambere ibihugu biwugize uko ari 20.

Umva inkuru irambuye hano:

Tanga Igitekerezo