Perezida Kagame yemereye ubutaka kaminuza ya AUCA

Yanditswe na KT Radio Team September 3, 2019 - 14:08

Perezida wa Repubulika Paul Kagame asanga kugira ngo abaturage bagire ubuvuzi buhamye, bisaba ko abakora muri iyo serivisi baba barabiherewe ubumenyi muri za kaminuza zikomeye, bakaba ari abanyamwuga kandi babifitemo ubunararibonye.

Yabivuze kuri uyu wa mbere ubwo yafunguraga ku mugaragaro Kaminuza y’ubuvuzi y’ Itorero ry’Abadivantisiti b’umunsi wa karindwi muri Afurika yo hagati (AUCA).

Muri uyu muhango, Perezida Kagame yavuze ko yashimishijwe no gutaha iyo kaminuza, avuga ko ari indi nkunga mu kubaka uburezi n’ubuvuzi mu Rwanda.

Perezida Kagame yavuze ko kuba iri torero rigeze ku ntego yo gushyiraho ishuri ry’ubuvuzi, byongeye kugaragaza ko ryiteguye gukomeza ubufatanye, bugamije kugirira akamaro Abanyarwanda n’abo mu karere.

Iyi kaminuza yuzuye mu Rwanda, ije ihurirana n’isabukuru y’imyaka 100 itorero ry’Abadivantisiti b’umunsi wa Karindwi rimaze rigeze mu Rwanda.

Umva ibindi kuri iyi nkuru hano: