Urubanza rw’ushinjwa gukubitira umukobwa mu ruhame rwatangiye kuburanishwa

Yanditswe na KT Radio Team September 13, 2019 - 20:05

Urubanza umukobwa witwa Kamali Diane aregamo Umuyobozi wa televiziyo Goodrich, Dr Habumugisha Francis, rwatangiye kuburanishwa kuri uyu wa gatanu tariki 13 Nzeri 2019, n’Urukiko rwisumbuye rwa Nyarugenge(i Nyamirambo).

Ubushinjacyaha buvuga ko tariki 15/7/2019 ubwo Dr Habumugisha yari mu nama y’ikigo cye ’Alliance motion Global’, ngo yakubise Kamali Diane ndetse akamumenera telefone.

Dr Habumugisha abifashijwemo n’umwunganira mu mategeko, arahakana icyaha aregwa hashingiwe ku nyandiko-mvugo y’ibisobanuro yahaye Urwego rw’Ubugenzacyaha, ngo harimo aho atabyemera.

Ubushinjacyaha bwahise busabira Dr Habumugisha Francis kuba afunzwe by’agateganyo kugira ngo atagira ibindi bikorwa bibi akora, kugira ngo adasibanganya n’ibimenyetso.

Icyakora uwatanze ikirego ari we Diane Kamali we ntiyigeze agera mu rukiko, ikirego kikaba gifitwe n’Ubushinjacyaha burimo kuburana mu mwanya w’uyu mukobwa uvuga ko yakubiswe.

Umva inkuru irambuye hano: