Nyagatare: Abakozi ba GGS&S Ltd ikora isuku muri kaminuza y’u Rwanda bamaze amezi 2 badahembwa

Yanditswe na KT Radio Team October 11, 2019 - 07:30

Ubuyobozi bwa kaminuza y’u Rwanda ishami rya Nyagatare burizeza abakozi bakoramo isuku baberewemo ibirarane na rwiyemezamirimo witwa GGS&S ko mu gihe cy’icyumweru kimwe gusa baza kuba bishyuwe ibirarane byabo.

Bubitangaje mu gihe aba bakozi bavuga ko bamaze amezi 2 batazi umushahara kuko ngo rwiyemezamirimo yababwiye ko kaminuza nawe itamwishyura.

Dr. Martin Ntawubizi umuyobozi wa kaminuza y’u Rwanda ishami rya Nyagatare abinyujije mu butumwa bugufi kuri telefone igendanwa avuga ko amasezerano bari bafitanye na rwiyemezamirimo yarangiye habaho kubanza kuyanoza kugira ngo haboneke andi mashya. Avuga ko ngo amasezerano yamaze gusinywa kuwa 08 Ukwakira.

Abakozi bafite ibibazo by’imishahara yabo bakorera GGS&S Ltd, bose hamwe ni 56.

Umva inkuru irambuye hano: