Bakundukize yabonye ibitaro bigiye kumwitaho

Yanditswe na KT Radio Team November 18, 2019 - 13:25

Bakundukize Ruth ufite uburwayi bw’umubiri bumeze nk’ibibyimba byiyongereye ku maboko, yabonye ibitaro bimwitaho.
Ibitaro bya Murunda mu Karere ka Rutsiro biri gukorwaho n’inzobere nibyo byemeye kumwakira no kumuvura.

Umuyobozi w’ibi bitaro Niringiyimana Eugene yabwiye Kigali Today ko bamaze kumwakira kandi hari abaganga bakomoka mu gihugu cy’Ubudage barimo kumwitaho.

Bakundukize Ruth abonye ubufasha nyuma y’inkuru y’ubuvugizi yakozwe na Kigali Today mu cyumweru gishize, yavugaga ko uyu Bakundukize ufite imyaka 39, amaranye ubu burwayi imyaka 32, ariko kugeza ubu akaba atarabona ubuvuzi.

Indwara Bakundukize Ruth arwaye mu ndimi z’amahanga yitwa “Neurofibromatosis”, ikaba irangwa n’ibibyimba baifata imyakura.

Iyo urwaye ibi bibyimba bamupimye bagasanga bitaravuyemo kanseri bashobora kubibaga.

Abahanga mu buvuzi bavuga ko 50% by’abayirwara biva ku ruhererekane rw’abo bakomokaho.