Huye: Ikibanza cyo mu cyanya cy’inganda kiri kugura amadolari atatu kuri metero kare

Yanditswe na KT Radio Team January 18, 2021 - 10:38

Nyuma y’igihe bamwe mu bafite inganda mu Karere ka Huye bibaza igihe bazemererwa kugura ibibanza mu cyanya cyahariwe inganda, Minisiteri y’Ubucuruzin’Inganda (MINICOM) ivuga ko noneho ubu bishoboka, kandi ko ibibanza byaho bidahenda kuko ababyifuza bazajya bishyura amadolari ya Amerika atatu kuri metero kare imwe.

Hari hashize imyaka itandatu abahoze batuye ahari icyanya cyahariwe inganda i Sovu mu Karere ka Huye bishyuwe, bajya gutura ahandi.

Kuba iki cyanya gihari kandi kigomba gukoresha ibyo cyagenewe, byanatumye abafite inganda hirya no hino muri Huye basabwa kuva aho bakoreraga bakakimukiramo, ariko basabye ibibanza ntibahita babyemererwa. Inama yabibemereye yateranye ejobundi kuwa gatatu tariki 13 Mutarama 2021.

Umuyobozi mukuru muri Minisiteri y’inganda n’ubucuruzi, Samuel Kamugisha, avuga ko gutanga ibibanza byatinze kuko inyigo y’uko bizagenda bitangwa hakurikijwe ibyo inganda zikora yari itaranozwa neza, ariko noneho ubu ikaba yaratunganyijwe.

Tanga Igitekerezo