Huye: Imihanda iri gushyirwamo kaburimbo izakemura ikibazo cy’inzira igihe umuhanda munini wafunzwe

Yanditswe na KT Radio Team January 25, 2021 - 12:07

Abatwara ibinyabiziga mu mujyi wa Huye baravuga ko imihanda ibiri iri gushyirwamo kaburimbo izakemura ikibazo cyo kubura aho banyura igihe umuhanda munini utari nyabagendwa.

Aba baturage banavuga ko hari indi mihanda bifuza ko yashyirwamo kaburimbo, hakaba n’indi isanzwe irimo amabuye bifuza ko nay o yahsyirwamo kaburimbo, mu rwego rwo koroshya ingendo z’ibinyabiziga muri uyu mujyi.

Iyo mihanda, umwe uturuka mu isoko ryo mu Rwabayanga ukagera ku ishuri New Vision, ugakomeza ukagera i Ngoma. Undi ushamikiye ku muhanda uva i Huye ugana i Gisagara, hafi y’inzu mberabyombi y’Akarere ka Huye, ugatunguka ku rusengero rwa ADEPR ku itaba.

Abatwara ibinyabiziga mu mujyi i Huye bavuga ko iyi mihanda izafasha cyane cyane igihe habaye amasiganwa y’amagare cyangwa habaye indi mpamvu ituma imodoka zibuzwa kunyura mu muhanda munini unyura rwagati mu mujyi.

Tanga Igitekerezo