Inkuru Nyamukuru

Bamwe mu barimu barasaba REB kubahindurira ingwa bakoresha

todayFebruary 22, 2021 2

Background
share close
  • cover play_arrow

    Bamwe mu barimu barasaba REB kubahindurira ingwa bakoresha KT Radio Team

  • cover play_arrow

    Bamwe mu barimu barasaba REB kubahindurira ingwa bakoresha KT Radio Team

Bamwe mu barimu bakorera mu Mujyi wa Kigali no mu Karere ka Musanze batangarije KT Radio ko ingwa bakoresha mu kwigisha zirimo kubatera indwara kubera kutuzuza ubuziranenge, ku buryo hari n’abakoresha izo biguriye.

Ni ikibazo kimaze iminsi ndetse abarimu bavuga ko bagiye bakigeza ku babakuriye na bo bakakigeza ki Kigo cy’igihugu cyita ku Burezi (REB), ariko nticyabona igisubizo.

Umwe mu barimu ukorera mu Mujyi wa Kigali muri Nyarugenge, avuga ko ingwa bakoresha zitumuka cyane zigatuma bagira indwara zo mu buhumekero.

Uyu mwarimu avuga ko birinda ariko ntibibabuze kugirwaho ingaruka n’iryo vumbi kimwe n’abana bigisha kuko iyo zitumuka na bo zibageraho.

Uwo mwarimu kandi avuga ko yahisemo kwigurira ingwa akoresha mu kwigisha, nyuma y’uko yari amaze kwivuza inshuro enye indwara z’ubuhumekero, ariko ntibikunde ko zikira kuko yakomezaga akazi n’indwara igakomeza.

Avuga ko Icyo bifuza ari uguhabwa ingwa nziza kandi zitagira ingaruka ku buzima, kuko izo bigurira nta kibazo zibatera kandi na zo Leta yashobora kuzigura.

Amakuru KT Radio yashoboye kumenya ni uko buri mwarimu mu mashuri abanza agenerwa ingwa enye ku munsi, naho umwarimu mu mashuri yisumbuye akagenerwa ingwa umunani, ibyo bikajyana n’uko abarimu bari mu karere babarirwa ingwa bazakoresha ku gihembwe maze ikigo cya REB kigatanga isoko zaboneka zikoherezwa ku bigo by’amashuri.

Written by: KT Radio Team

Rate it

Post comments (0)

Leave a reply

Your email address will not be published. Required fields are marked *

0%