Inkuru Nyamukuru

Imikino: Ikipe y’u Rwanda ya Beach Volleyball yageze muri ½

todayAugust 5, 2022 27

Background
share close

Ikipe y’Igihugu y’u Rwanda y’umukino wa Volleyball ikinirwa ku mucanga, igizwe na Ntagengwa Olivier na Gatsinzi Venuste, yageze muri ½ mu mikino ihuza ibihugu bikoresha ururimi rw’Icyongere (Commonwealth games) ibera mu Bwongereza, nyuma yo gustinda New Zealand amaseti 2-0.

Ntagengwa na Gatsinzi bageze muri kimwe cya kabiri, aha bari kumwe n’umutoza wabo

Nyuma yo kugera muri kimwe cya kane, abasore b’u Rwanda bongeye gukora andi mateka bagera muri ½, nyuma yo gusezerera igihugu cya New Zealand.

Ni umukino wabaye kuri uyu wa Gatanu saa sita z’amanywa, aho ibendera ry’u Rwanda ryongeye kuzamurwa mu mujyi wa Birmingham.

U Rwanda rwari mu itsinda rya 2 aho rwatangiye rutsinda igihugu cya Afurika y’Epfo amaseti 2 ku busa, rwakurikijeho igihugu cya Maldives maze nacyo ntibakirebera izuba, kuko bagitsinze ku maseti 2 kuri 1, ari nabwo bahise babona itike yo gukina imikino ya ¼, nyuma yo gutsindwa na Australia amaseti 2 ku busa.

Kuva u Rwanda rwatangira kwitabira iyi mikino ni ubwa mbere mu mateka rwagera muri ½, yaba mu bagabo ndetse n’abagore, bivuze ko ari amateka bakoze.

Written by: KT Radio Team

Rate it

Previous post

Inkuru Nyamukuru

Muhanga: Bahinga mu buryo bw’Imana bagasarura imbuto nk’iza Eden

Abaturage bo mu Murenge wa Cyeza mu Karere ka Muhanga, baravuga ko mu rwego rwo kurwanya imirire mibi n’ingaruka zikomoka ku mafumbire mvaruganda, bize guhinga mu buryo bw’Imana (Farming in God’s way), bagasarura imbuto zibereye umubiri nk’izivugwa muri Bibiliya zeraga muri Eden. Imbuto zahinzwe mu buryo bw’Imana, nta fumbire cyangwa imiti ya kizungu bibigeraho Eden ni ho bivugwa ko umuntu wa mbere waremwe n’Imana yatujwe, nyuma akaza kwagukira ku Isi […]

todayAugust 5, 2022 33

Post comments (0)

Leave a reply

Your email address will not be published. Required fields are marked *

0%