Inkuru Nyamukuru

Imikino: Meddie Kagere yatandukanye na Simba yerekeza muri Singida Big Stars

todayAugust 5, 2022 7

Background
share close

Ku wa kane tariki 4 Kanama 2022, rutahizamu w’ikipe y’igihugu y’u Rwanda Amavubi Meddie Kagere wakiniraga ikipe ya Simba SC yerekanwe nk’umukinnyi mushya mu ikipe ya Singida Big Stars zombi zo muri Tanzania.

Simba SC yashimye Kagere Meddie mu myaka ine bamaranye.

Meddie Kagere w’imyaka 35 y’amavuko wakiniraga ikipe ya Simba SC yerekanywe nk’umukinnyi mushya w’ikipe ya Singida Big Stars mu mukino wa gicuti iyi kipe yakinaga n’ikipe ya Zanaco yo muri Zambia bitegura umwaka wa 2022-2023.

Meddie Kagere yerekeje muri Singida Big Stars nyuma yuko yari asoje amasezerano y’imyaka ibiri yari yarongeye mu mwaka wa 2020 mu ikipe ya Simba SC. Nubwo yari yasoje amasezerano ariko ikipe ya Simba SC yari yaramujyanye mu rugendo iri gukorera mu gihugu cya Misiri yitegura umwaka w’imikino wa 2022-2023.

Meddie Kagere waje gukina mu Rwanda mu mwaka wa 2006 aje mu ikipe ya Atrco FC akanakinira amakipe atandukanye hano mu Rwanda, yagiye gukina hanze y’u Rwanda avuye muri Rayon Sports agiye muri Albania mu ikipe ya FK Firana.

Muri Albania Meddie Kagere yahakinnye umwaka umwe maze ahava agiye muri Gormahia yabayemo hagati ya 2015-2018 maze ahava ajya muri Simba SC mu 2018 aho byavuzwe ko yamutanze ibihumbi 55 by’amadolari imuhanganiye Young SC.

Amasezerano y’imyaka 2 yasinyiye Simba SC yarangiye mu mwaka wa 2020 maze yongera andi y’imyaka ibiri ari nayo yarangiranye n’umwaka w’imikino wa 2021-2022.

Written by: KT Radio Team

Rate it

Previous post

Inkuru Nyamukuru

Bralirwa yagaragaje ko inyungu yayo yiyongereyeho 93%

Uruganda Nyarwanda rwenga ibinyobwa bisembuye n’ibidasembuye, Bralirwa, rwungutse miliyari 12,4 Frw mu mezi atandatu ya mbere ya 2022 nyuma yo kwishyura imisoro, bingana n’izamuka rya 93%. Mu mezi atandatu ya mbere ya 2022, Bralirwa yungutse miliyari 12,4 Frw. Imibare igaragara mu itangazo uru ruganda rwashyize hanze hanze, igaragaza ko amafaranga Bralirwa yinjije yose hamwe hatarakurwamo ikintu na kimwe ari miliyari 72,9 Frw mu gihe mu 2021 igihe nk’iki, yari yinjije […]

todayAugust 5, 2022 83 1

Post comments (0)

Leave a reply

Your email address will not be published. Required fields are marked *

0%