Inkuru Nyamukuru

Perezida Kagame yagiranye ibiganiro na mugenzi we w’u Bufaransa n’uwa RDC

todaySeptember 21, 2022 15

Background
share close

Perezida Paul Kagame, uri i New York kuri uyu wa gatatu tariki 21 Nzeri, yagiranye ibiganiro na mugenzi we w’u Bufaransa, Emmanuel Macron ndetse n’uwa RD Congo, Félix Tshisekedi.

Ibiro by’Umukuru w’Igihugu, Village Urugwiro, byatangaje ko aba bayobozi bombi bagiranye ibiganiro byibanze ku gushakira hamwe igisubizo ku bibazo by’umutekano muke uri mu Burasirazuba bwa Repubulika ya Demokarasi ya Congo.

Uku guhura kandi kuje nyuma yaho kuri uyu wa gatatu, Perezida Kagame, ubwo yagezaga ijambo imbere y’inteko rusange ya 77 y’Umuryango w’Abibumbye yongeye gushimangira ko ikibazo cy’umutekano muke muri RD Congo atari ikibazo cya none ahubwo ko ubushake bwa politiki ari bwo bubura ngo gikemuke burundu kuko kwitana ba mwana ubwabyo atari igisubizo.

Perezida Kagame yatangaje ibi nyuma y’aho ku wa Kabiri Perezida wa Repubulika ya Demokarasi ya Congo, Antoine Felix Tshisekedi yashinje kumugaragaro u Rwanda kugira uruhare mu bibazo by’umutekano muke mu Burasirazuba bw’igihugu cye rwihishe inyuma y’umutwe wa M23.

Nyamara ibi ibirego u Rwanda rwakomeje kubihakana, rugashinja DR Congo gufatanya n’umutwe w’iterabwoba wa FDLR kugaba ibitero ku Rwanda.

Ikibazo cya M23 cyateje umwuka mubi hagati y’u Rwanda na DR Congo.

Nyuma y’umuhate wa Perezida wa Angola mu buhuza hagati y’u Rwanda na DR Congo, ubu biravugwa ko Perezida Emmanuel Macron w’u Bufaransa na we yinjiye mu buhuza.

Perezida Kagame kandi yagiranye inama na Minisitiri w’Intebe wa Barbados Mia Amor Mottley, Umuyobozi Mukuru wa Kenup Foundation Holm Keller na Prof Senait Fisseha, aho baganiriye ku bufatanye mu gukora inkingo.

Written by: KT Radio Team

Rate it

Previous post

Inkuru Nyamukuru

Kwitana ba mwana ntibyacyemura ikibazo cy’umutekano muke muri DRC – Perezida Kagame

Perezida Paul Kagame, yavuze ko gukomeza kwitana ba mwana bitakemura ikibazo muzi cy'umutekano muke muri cya Repubulika ya Demukarasi ya Congo, ahubwo hakenewe ubushake bwa politiki. Perezida Kagame, ibi yabigarutseho kuri uyu wa gatatu tariki 21 Nzeri, ubwo yari imbere y'inteko rusange y'Umuryango w'Abibumbye, agaragaza aho u Rwanda ruhagaze ku bibazo bitandukanye byugarije Isi muri iki gihe. Umukuru w'Igihugu, ubwo yagarukaga ku bibazo by'umutekano muke mu Burasirazuba bwa Repubulika ya […]

todaySeptember 21, 2022 14

Post comments (0)

Leave a reply

Your email address will not be published. Required fields are marked *

0%