Inkuru Nyamukuru

Perezida Kagame, Macron na Tshisekedi biyemeje gushaka ibisubizo ku bibazo by’umutekano muke muri DRC

todaySeptember 22, 2022 17

Background
share close

Perezida wa Repubulika y’u Rwanda Paul Kagame yahuye na Perezida w’u Bufaransa Emmanuel Macron na Perezida wa RDC Félix Antoine Tshisekedi Tshilombo, baganira ku ngingo zinyuranye zirebana n’umutekano muke mu Burasirazuba bwa RDC.

Ibyo biganiro byabereye i New York, ku wa Gatatu taliki ya 21 Nzeri, ubwo aba bayobozi bombi bari bitabiriye Inteko rusange ya 77 y’Umuryango w’Abibumbye.

Itangazo ryashyizwe ahagaragara na Perezidansi ya RDC, rivuga ko abakuru b’ibihugu uko ari batatu bagaragaje ko bahangayikishijwe n’ikibazo cy’umutekano muke n’ibikorwa by’ihohoterwa byongeye kugaragara mu burasirazuba bwa Repubulika ya Demokarasi ya Congo.

Abakuru b’ibihugu bitatu bagaragaje ko bahangayikishijwe n’uko ihohoterwa ryongeye kugaragara mu burasirazuba bwa Repubulika Iharanira Demokarasi ya Congo.

Aba bayobozi biyemeje gushaka ibisubizo binyuze mu bikorwa bihuriweho mu karere bigamije gushaka ituze ku bibazo by’umutekano muke n’ibikorwa by’imitwe y’iterabwoba yitwaje intwaro.

Iri tangazo rikomeza rigira riti: “Mu rwego rugamije gushyiraho uburyo bw’ibiganiro biciye mu kuri kandi byubaka mu kuzahura umubano w’ibihugu byombi, hakenewe ubufatanye hagati y’ibihugu by’akarere kandi bikurikije inzira ya Luanda, bemeye gufatanya kugira ngo M23 vuba bishoboka, ibe yavuye mu bice yigaruriye.”

Banzuye kandi ko abaturage bakuwe mu byabo n’intambara bagomba gufashwa gutahuka ku nkunga y’Umuryango w’Abibumbye n’abafatanyabikorwa barimo Umuryango w’Afurika Yunze Ubumwe (AU) n’Inama y’Ibihugu byo mu Karere k’Ibiyaga Bigari (ICGLR).

Biyemeje kandi kongera imbaraga mu bufatanye buhoraho mu rwego rwo kurwanya umuco wo kudahana no kurandura burundu ibikorwa by’imitwe yitwaje intwaro mu Karere k’Ibiyaga Bigari harimo n’inyeshyamba za FDLR.

Ibi byose ariko bizaba bishamikiye kuri bimwe mu bikorwa bisanzwe biriho mu kugarura amahoro mu Karere harimo n’amasezerano ya Nairobi.

Perezida Kagame, ku wa Gatatu ubwo yagezaga ijambo ku bitabiriye Inteko Rusange ya UN, yavuze ko umukino wo gukomeza kwitana bamwana udatanga igisubizo ku bibazo by’umutekano muke.

Umukuru w’Igihugu yatangaje ibi nyuma y’aho ku wa Kabiri Perezida wa Repubulika ya Demokarasi ya Congo, Antoine Felix Tshisekedi yashinje u Rwanda kumugaragaro kugira uruhare mu bibazo by’umutekano muke mu Burasirazuba bw’igihugu cye rwihishe inyuma y’umutwe wa M23.

Written by: KT Radio Team

Rate it

Previous post

Inkuru Nyamukuru

Babiri bafatanywe udupfunyika turenga 1000 tw’urumogi

Polisi y’u Rwanda ku bufatanye n’ubuyobozi bw’inzego z’ibanze n’abaturage, yafashe abagabo babiri bakurikiranyweho gucuruza ibiyobyabwenge, nyuma yo kubasangana  udupfunyika tw’urumogi 1,012 mu bikorwa bitandukanye byabereye mu Karere ka Gakenke na Rulindo, kuri uyu wa Gatatu, tariki 21 Nzeri . Abafashwe ni uwitwa Mvukiyehe Pierre, uzwi ku izina rya Mvuka, ufite imyaka 69 y’amavuko, wafatanywe udupfunyika tw’urumogi 900, mu mudugudu wa Gashubi, akagari ka Rwamamba, Umurenge wa Mugunga mu Karere ka Gakenke […]

todaySeptember 22, 2022 17

Post comments (0)

Leave a reply

Your email address will not be published. Required fields are marked *

0%