Inkuru Nyamukuru

Centrafurika Urukiko Rukuru Rwanze Ivugururwa ry’Itegeko Nshinga

todaySeptember 23, 2022 15

Background
share close

Perezida w’Urukiko rukuru rwa Repuburika ya Centrafurika, kuri uyu wa gatanu tariki 23 Nzeri, yatangaje ko basheshe komisiyo yari yashyiriweho amavugurura y’itegeko nshinga.

Perezida Perezida Faustin-Archange Touadera yashakaga ko manda ntarengwa yakurwaho, bityo akaba yakomeza kwiyamamariza kuyobora igihugu.

Abashyigikiye Touadera mu kwezi kwa gatanu bari basabye ko itegeko nshinga rihindurwa, hagakurwamo manda ntarengwa za perezida, bavuga ko zitaboneka mu bihugu byinshi bituranye na Centrafurika.

Abaperezida bandi benshi b’Afurika, mu bihugu birimo Repuburika ya Congo, Côte d’Ivoire na Gineya, bakoze ku buryo itegeko nshinga rivugururwa n’andi mategeko arahinduka mu myaka ya vuba, kugirango babashe kuguma ku butegetsi.

Mu cyumweru gishize, Touadera yashyizeho komisiyo yo gutegura inyandiko y’ibigomba guhinduka mw’itegeko nshinga. Na mbere yari yarigeze gusaba ko rihinduka, kugirango we n’abadepite bagume mu myanya, igihe amatora yaba atinze gukorwa.

Touadera yatowe mu 2016, mw’itora ryakurikiye intambara y’abaturage yatejwe n’ihirikwa ry’uwahoze ari perezida, Francois Bozize, imyaka itatu mbere yaho. Yongeye gutorwa mu 2020.

Written by: KT Radio Team

Rate it

Previous post

Inkuru Nyamukuru

Ibigo by’amashuri bifite impungenge zo kwakira abanyeshuri bitarababonera ibibatunga

Abayobozi b’ibigo by’amashuri ya Leta bigaburira abana ku ishuri, barasaba Minisiteri y’Uburezi (MINEDUC) kubifasha kubona amafaranga akoreshwa mu kubona ifunguro ry’abanyeshuri, kuko kugeza ubu ataraboneka. Abana ngo ntibazongera guta ishuri cyangwa ngo batsindwe kubera gahunda yo gufatira amafunguro ku ishuri Abo bayobozi babisabye mu gihe umwaka w’amashuri uzatangira tariki 26 Nzeri 2022, ibigo bitarabona amafaranga Leta ibigenera agomba gufasha abanyeshuri mu kubona ifunguro, ni amafaranga azwi nka ‘Capitation grant’. Mu […]

todaySeptember 23, 2022 30

Post comments (0)

Leave a reply

Your email address will not be published. Required fields are marked *

0%