Inkuru Nyamukuru

90% by’abakoze ibizamini bisoza amashuri abanza baratsinze

todaySeptember 27, 2022 141

Background
share close

Kuri uyu wa Kabiri, tariki 27 Nzeri 2022, Minisiteri y’Uburezi yatangaje amanota y’ibizamini bya Leta bisoza amashuri abanza n’icyirico rusange cy’amashuri yisumbuye.

Mu mashuri abanza, abanyeshuri bakoze 227,472. Abatsinze ni 206.286, bangana na 90%. Abatsinzwe ni 21,186 bangana na 9.31%.

Ku barangije icyiciro rusange cy’amashuri yisumbuye, abanyeshuri bakoze ibizamini ni 126,735. Abatsinze ni 108, 566, bahwanye na 85.66%. Abatsinzwe ni 18,469, bahwanye na 14.34%.

Abataratsinze bagomba gusibira kuko nta myanya bahawe mu mwaka wa mbere n’uwa kane.

Mu banyeshuri basoje icyiciro rusange bagiye mu mwaka wa kane, abangana na 51, 118, bangana na 47,1% by’abatsinze bose, baziga mu mashami y’ubumenyi rusange.

Muri bo 35,381 bazaba baba mu mashuri abacumbikira. Ni mu gihe 16,737 baziga bataha.

Abagiye mu mashuri y’imyuga n’ubumenyingiro ni 49,687, bangana 45.8% by’abatsinze bose. Abanyeshuri 44,836 baziga bacumbikiwe, na ho 5,251 baziga bataha.

ISEZERANO Forever Hycente wigaga mu ishuri ribanza rya St André i Muhanga, niwe wabaye uwa mbere mu mashuri abanza

Muri uyu muhango wo gutangaza amanota y’ibizamini bya leta, Minisiteri y’Uburezi yanahembye abanyeshuri bagize amanita ya mbere, aho uwa mbere mu bizamini bisoza amashuri abanza yitwa Isezerano Forever Hycente wigaga mu ishuri ribanza rya St André mu Karere ka Muhanga.

Umunyeshuri wa mbere mu bizamini bisoza icyiciro rusange cy’amashuri yisumbuye yitwa Ntwari Manzi Albert, yigaga mu ishuri ryitwa Academie De La Salle mu Karere ka Gicumbi.

NTWARI Manzi Albert, wigaga mu ishuri ryitwa Academie De La Salle mu Karere ka Gicumbi, niwe wabaye uwa mbere mu cyiciro rusange

Abanyeshuri babonye ibigo bazatangira amasomo ku itariki ya 4 Ukwakira. Minisiteri y’Uburezi yavuze ko amashuri azakora ibishoboka byose kugira ngo badatakara.

Written by: KT Radio Team

Rate it

Previous post

Inkuru Nyamukuru

Cabo Delgado: Ituze n’umutekano byatumye abarenga ibihumbi 130 bagaruka mu byabo

Nyuma y'umwaka, inzego inzego z'umutekano z’u Rwanda zitangiye ibikorwa byo kugarura umutekano mu Ntara ya Cabo Delgado muri Mozambique, abarenga ibihumbi 130, bamaze kugaruka mu ngo zabo. Abaturage bamaze gusubira mu byabo barashima inzego z'umutekano z’u Rwanda, zabagaruriye ikizere cyo kubaho bakagaruka mu ngo zabo nyuma y'igihe kinini barazitaye kuberabibikorwa by'iterabwoba. Uyu munsi baremeza ko ubuzima bwongeye gusubira ku murongo, ndetse ubu bakaba barasubukuye imirimo yabo itandukanye irimo ubucuruzi. Aba […]

todaySeptember 27, 2022 100

Post comments (0)

Leave a reply

Your email address will not be published. Required fields are marked *

0%