Ines Nyinawumuntu

Yanditswe na KTradiofm August 24, 2018 - 09:27

Ines Ghislaine Nyinawumuntu, uzwi ku izana rya Ines ni umwe mu banyamakuru bakora ibiganiro bikunzwe mu Rwanda.

Ubuzima bwe mu Kazi

Umwuga we yawutangiriye kuri Radio Isango Star, guhera mu mwaka wa 2010, aho yakoze mu ishami ry’amakuru n’ibiganiro, aho yakunze kumvikana mu biganiro mpaka kuri Politiki n’imibereho y’abaturage. Mu mwaka wa 2017, yakoze kuri Radio KFM mu ishami ry’ibiganiro. Kuva mu Kwezi kwa Kanama 2018, ni umunyamakuru wa KT Radio, aho akora ikiganiro cya mugitondo “Kt Parade” kuva kuwa mbere kugera kuwa gatanu, (08h10-11h00) ndetse n’ikiganiro “Sato Concord” kiba kuwa gatandatu, akaba atangira saa kumi n’igice kugera saa moya z’ijoro (16h30-19h00).

Ubuzima Hanze y’Akazi

Ines, ni umubyeyi w’abana 2 b’abakobwa, mu bimushimisha harimo kuba ari kumwe n’abana be abaganiriza ku buzima n’uko bagomba kwitwara kugira ngo bazagere kubyo bifuza. Akunda kuba ari kumwe n’abantu benshi, ariko agakunda kubona baseka. Ntakunda umuntu utazi kuganira.

Igihe cye cyo kuruhuka akunda kureba Film, kuko avuga ko hari amasomo menshi y’ubuzima zimwigisha, ndetse zikamufungura ubwonko. Ababazwa cyane n’uko hari abantu benshi bababaye ariko akaba atabasha kubafasha bose ngo bishime.

Akunda kumva indirimbo zituje mu gihe ari mu mirimo yo mu rugo. Yemera kandi ko icyo umuntu yiyemeje akagishyiramo imbaraga akigeraho.