Abayobozi bakuru muri Sudan y’Epfo baje guhugurirwa mu Rwanda

Mu kigo cy’igihugu cy’amahoro (Rwanda Peace Academy), giherereye i Nyakinama mu karere ka Musanze, hatangijwe amahugurwa y’iminsi itanu yitabiriwe n’Abaminisitiri n’abayobozi bahagarariye inteko ishinga amategeko, abasirikare n’abapolisi bakuru n’abahagarariye imitwe ya Politike, baturutse muri Sudani y’Epfo.

Ni amahugurwa yatangijwe ku itariki 29 Ugushyingo, akazasoza tariki 03 Ukuboza 2021, agamije kubaka amahoro nyuma y’intambara, kwiyubaka no kubaka umutekano urambye (Post-Conflict Peace Building, Reconstruction and Stabilization), atangizwa ku mugaragaro na Minisitiri w’ububanyi n’amahanga n’ubutwererane Dr.Vincent Biruta hifashishijwe ikoranabuhanga.