Inkuru Nyamukuru

Itangazo ryavuye mu Biro bya Minisitiri w’Intebe kuri uyu wa Gatatu tariki 12 Kamena 2024, rivuga ko Perezida wa Repubulika, Paul Kagame, yashyizeho abayobozi bashya b’inzego zitandukanye, barimo Injeniyeri Fulgence Dusabimana, wabaye Umuyobozi wungirije w’Umujyi wa Kigali ushinzwe Ibikorwa Remezo. Injeniyeri Dusabimana usanzwe ari Umujyanama mu nama Njyanama y’Umujyi wa Kigali, atorewe gusimbura Dr Merard Mpabwanamaguru wakuwe mu nshingano mu kwezi k’Ukuboza k’umwaka ushize wa 2023. Injeniyeri Dusabimana yari asanzwe […]

Umuhanzi w’icyamamare wo muri Nigeria, David Adedeji Adeleke OON uzwi nka Davido, yatangaje ko yishimiye icyemezo cyafashwe n’ubuyobozi bwa Recording Academy butegura ibihembo bya Grammy Awards ku kwagurira ibikorwa muri Afurika no mu Burasirazuba bwo Hagati. Iki cyemezo cya Recording Academy isanzwe itegura ikanatanga ibihembo bya Grammy, Davido yavuze ko kigaragaza urwego umugabane wa Afurika ugezeho mu kugaragariza isi yose impano wifitemo binyuze muri muzika Nyafurika.Davido yagize ati: "Nk’umuhanzi w’Umunyafurika, […]

Mu gihe habura amasaha mbarwa ngo irushanwa rihuza amakipe y’Ibihugu yo ku mugabane w’iburayi rizwi nka EURO 2024 ritangire, hari byinshi byitezwe birimo no kureba uzegukana Igikombe kigiye gukinwa ku nshuro ya 16. Kuri uyu wa gatanu, tariki 14 Kamena 2024, mu gihugu cy’Ubudage haratangira irushanwa rihuza amakipe y’ibihugu yo ku mugabane w’Iburayi rizwi nka EURO 2024 rigiye kuba ku nshuro ya 16, ni irushanwa riza muri 3 arebwa cyane […]

Perezida wa Repubulika Paul Kagame, kuwa Gatatu tariki 12 Kamena mu 2024, nk’uko bikubiye mu itangazo ryashyizwe hanze n’Ibiro bya Minisitiri w’Intebe, yakoze impinduka ashyira abayobozi mu myanya itandukunye muri Guverinoma, harimo na Yusuf Murangwa wahawe kuyobora Minisiteri y’Imari n’Igenamigambi. Yusuf Murangwa abaye Minisitiri w’Imari n’Igenamigambi, asimbuye Dr Ndagijimana Uzziel. Yusuf Murangwa yari asanzwe ari Umuyobozi w’Ikigo cy’Igihugu cy’Ibarurishamibare (NISR). Yusuf Murangwa ni inzobere mu bijyanye n’Ibarurishamibare, akaba n’Umushakashatsi muri […]

Itangazo ryatanzwe n’Ibiro bya Minisitiri w’Intebe kuri uyu wa Gatatu tariki 12 Kamena 2024, rivuga ko Perezida wa Repubulika Paul Kagame, yashyizeho abagize Guverinoma bashya barimo Uwimana Consolée wagizwe Minisitiri w’Uburinganire n’Iterambere ry’Umuryango(MIGEPROF). Uwimana asanzwe ari Visi Perezida w’Umuryango RPF-Inkotanyi kuva mu mwaka ushize, ubwo yasimburaga Christophe Bazivamo mu matora yabaye ku itariki 02 Mata 2023. Uwimana asanzwe ari umushoramari uhugukiwe ibijyanye n’imari (kuko yakoze muri banki), akaba yarabaye umusenateri […]

Perezida wa Malawi Lazarus Chakwera yatangaje icyunamo mu gihugu hose cy’iminsi 21 cyo kunamira Visi Perezida, Saulos Chilima n’abagenzi bose Icyenda baherutse kugwa mu ndege ya gisirikare yari yaburiwe irengero iza kuboneka bose bamaze gupfa. Perezida wa Malawi Lazarus Chakwera yahise asaba ko amabendera yururutswa akagezwa hagati kugeza ubwo hazaba umuhango wo kumushyingura. Umuhango wo gushyingura uwari Visi Perezida wa Malawi uzakorwa na Guverinoma ya Malawi ariko nta tariki nyirizina yatangajwe azashyingurirwaho. […]

Mu Mujyi wa Musanze hashyizwe ibuye ry’ifatizo ahari kubakwa inyubako nini, izatangirwamo serivise zitandukanye zirimo iz’ubucuruzi, aho iteganyijwe kuzura itwaye amafaranga y’u Rwanda agera kuri miliyari ebyiri. Imirimo yo kubaka iyo nzu y’Itorero ry’Abangilikani (EAR) Diyoseze ya Shyira, yatangijwe ku mugaragaro kuwa gatatu tariki ya 12 Kamena 2024, na Guverineri w’Intara y’Amajyaruguru, Mugabowagahunde Maurice washyizeho ibuye ry’ifatizo. Ibikorwa byo kubaka iyo nzu iri kubakwa mujyi wa Musanze hafi y’isoko rishya […]

Abantu 80 bapfuye baguye mu mpanuka y’ubwato mu bwarohamye mu mugezi wa Kwa, mu bilometero 70 uvuye mu Mujyi wa Mushie, mu Ntara ya Maï-Ndombe, hafi y’umupaka w’igihugu cya Congo-Brazzaville gihana imbibi na Repubulika ya Demokarasi ya Congo. Itangazo ryasohowe n’ibiro bya Perezida Félix Tshisekedi rivuga ko "ashenguwe n’ibyo byago byabaye”. Perezida Tshisekedi yavuze ko abo iyo mpanuka yagizeho ingaruka bazahabwa ubufasha, ndetse ategeka ko hakorwa iperereza ku cyabiteye. Ku […]

Ku gicamunsi cyo kuri uyu wa Gatatu, ikipe ya APR FC yatangiye imyitozo yagaragayemo abakinnyi batatu bashya iheruka gusinyisha, yitegura umukino uzayihuza na Rayon ku wa 15 Kamena 2024 hafungurwa Amahoro Stadium. Amakuru Kigali Today yamenye iyahawe n’umwe mu bantu bari i Shyorongi aho iyi kipe isanzwe ikorera imyitozo, ni uko mu bakinnyi bayitangiye harimo batatu bashya barimo Dushimimana Olivier w’imyaka 23 y’amavuko wakiniraga Bugesera FC. Undi mukinnyi wambaye umweru […]