Intumwa z’u Rwanda zigizwe n’umuvugizi w’Ingabo, Brig Gen Ronald Rwivanga, Defense Attaché muri Ambasade y’u Rwanda muri Ethiopia, Djibouti n’Umuryango wa Afurika Yunze Ubumwe, Lt Col David SANGANI ndetse n’Umuyobozi w’Ishami rishinzwe Ubutwererane Mpuzamahanga (IMC) muri Minisiteri y’Ingabo (MoD) Lt Col Eugene Ruzindana bitabiriye inama ya 12 yiga ku mutekano muri Afurika.
Umuvugizi w’Ingabo, Brig Gen Ronald Rwivanga yitabiriye inama yiga ku mutekano muri Afurika
Iyi nama izwi nka Africa Security Symposium (ASEC2025) yatangiye kuva ku wa Kabiri tariki 10 ikazasozwa ku ya 12 Kamena 2025, i Addis Ababa muri Ethiopia.
ASEC2025 iribanda ku ruhare rw’ubufatanye bw’inzego za Leta n’abikorera mu kwimakaza umutekano w’igihugu ndetse n’Akarere, guteza imbere iyubahirizwa ry’amategeko, no gushyigikira ibikorwa bya igisirikare no kwimakaza amahoro.
Zimwe mu ngingo z’ingenzi ziganirwaho harimo izirebana n’umutekano wambukiranya umupaka, kurwanya iterabwoba, ibisubizo ku bikoresho bya gisirikare n’ikiranabuhanga mu kwimakaza imiyoborere myiza.
Iyi nama yitabiriwe n’abasaga 300 barimo abayobozi bo mu nzego zo hejuru za gisirikare mu bihugu bitandukanye, abahagarariye inzego za Guverinoma, abayobozi b’inganda n’imiryango itegamiye kuri Leta bateraniye hamwe kugira ngo baganire ku gushaka ibisubizo bishya byafasha gukemura ibibazo by’umutekano byabaye ingorabahizi muri Afurika.
Minisitiri w’Ibikorwaremezo, Dr Jimmy Gasore ari kumwe na Ambasaderi w’u Bwongereza mu Rwanda, Alison Thorpe, Umuyobozi muri Ambasade ya Amerika mu Rwanda, John Armiger na Ambasaderi w’Umuryango w’Ubumwe bw’u Burayi mu Rwanda, Belén Calvo Uyarra basuye ahazubakwa urugomero rwa Rusizi III ruhuriweho n’u Burundi, DRC n’u Rwanda rwitezweho kuzatanga megawati 206. Ni imushinga biteganyijwe ko uzatangira gushyirwa mu bikorwa mu mpera z’uyu mwaka ukazamara imyaka ine ndetse ukazatwara miliyoni 800$. […]
Post comments (0)