Mu Rwanda hatangijwe ubuhinzi budasanzwe bw’umuceri bukomatanyije n’ubworozi bw’amafi

Mu Rwanda hamaze gutangizwa ubuhinzi budasanzwe bw’umuceri bukomatanyije n’ubworozi bw’amafi mu murima umwe. Mu Karere ka Rwamagana, abahinzi bakomatanya ubu buhinzi bw’ umuceri n’ubworozi bw’ amafi mu murima umwe bahamya ko bwabateje imbere.

Aho ubu buryo bwatangiye gukoreshwa ni mu Gishanga cya Cyimpima aho abahinzi basanzwe bahingamo umuceri baba bari kwita ku mafi, akiri mu mazi yo mu murima bawusaruyemo.

Ubu buhinzi burengera ibidukikije kandi bukungura abahinzi kurushaho nk’uko bisobanurwa na Higiro Joseph umukozi w’ ishami ry’ Umuryango w’Abibumbye ryita ku biribwa, FAO, ukorana n’aba bahinzi umunsi ku munsi.

Nubwo uyu mushinga ukiri mu nyigo, aba bahinzi bagaragaza ko kuri are 20 basaruragaho ibiro bitarenze 900 by’ umuceri ubu bahasarura toni imwe n’ ibirobirenga ijana by’ umuceri, kandi bakanahororera amafi agera ku bihumbi 12. Nk’uko babotangarije RBA.

Ubu buhinzi bukaba busanzwe bukorwa mu bihugu byo muri Azia ndetse n’ibihugu bimwe na bimwe bya Afurika.