Musanze: Abana babiri batwikiwe mu nzu umwe ahita apfa

Mu masaha y’umugoroba wo kuwa gatandatu w’icyumweru tuvuyemo abana babiri b’abakobwa batwikiwe mu nzu n’abantu bataramenyekana bamennye ikirahuri cy’idirishya, umwe ahita ahasiga ubuzima undi nawe akaba arwariye bikomeye mu bitaro bikuru bya Ruhengeri.

Ni abana b’uwitwa Manifashe Jerome na Sifa Celestine batuye mu Mudugudu wa Marantima, Akagari ka Rwebeya, Umurenge wa Cyuve mu karere ka Musanze.

Umuvugizi w’Urwego rw’igihugu rw’ubugenzacyaha Umuhoza Marie Michelle, yemeje aya makuru, avuga ko iperereza ryatangiye, ririmo no gukurikirana abatawe muri yombi, barimo n’ Umukuru w’umudugudu wa Marantima witwa Hitimana Jean de Dieu bakunze kwita Bondo, uri mu bakekwa kwihisha inyuma y’uyu mugambi.

Ibi byago bibayeho nyuma y’ibibazo byinshi uyu muryango wagiye ugira kuva mu mwaka wa 2015 byo gutotezwa baterwa amabuye, kumenwaho umwanda wo mu musarani n’ibindi bya hato na hato ngo bikozwe na bamwe mu baturanyi babo, ariko umukuru w’umudugudu akagaragaza imyitwarire yo kubashyigikira

Umva inkuru irambuye hano: