Abantu 23 bafashwe basengera ku muturanyi, bati “Turasengera ibyifuzo byo gukiza COVID-19”

Mu karere ka Musanze, Polisi y’u Rwanda yafashe abantu 23 barimo gusengera mu rugo rw’umuturage witwa Habumurenyi Jean Damascene wo mu kagari ka Cyabararika mu murenge wa Muhoza mu karere ka Musanze.

Umuvugizi wa Polisi mu ntara y’Amajyaruguru, CIP Alexis Rugigana, yatangarije KT Radio ko ayo makuru bayahawe n’abaturage kandi ngo byari bimaze kuba akamenyero kuko muri urwo rugo hahoraga abantu baje kuhasengera no mu gihe cya guma mu rugo.

Abatawe muri yombi bireguye bavuga ko basengaga ngo Coronavirus ikire, ubundi bagasengera n’umugore ufite umwana urwaye.
CIP Alexis Rugigana yavuze ko abo bantu bashobora guhanishwa igifungo cy’amezi atandatu n’ihazabu cyangwa kimwe muri ibyo bihano, nyuma yo kureba uburemere bw’amakosa kuko itegeko riteganya ibihano byombi.

Written by: KT Radio Team

Rate it

Lesotho ibaye igihugu cya nyuma Coronavirus igezemo muri Africa

Igihugu cya Lesotho kimaze kwemeza umuntu wa mbere wanduye coronavirus - kikaba kibaye icya nyuma igezemo ku mugabane w'Afurika. Iki gihugu kigendera ku butegetsi bwa cyami, kizengurutswe uko cyakabaye n'Afurika y'epfo. Afurika y'epfo yo ikaba imaze kwemeza abantu 11,350 banduye Covid-19, indwara y'ubuhumekero iterwa n'ubu bwoko bushya bwa coronavirus. Uwo muntu umwe wanduye coronavirus watangajwe muri Lesotho yabonetse nyuma y'ibipimo byafashwe ku bagenzi 81. Mu kiganiro yagiranye n'igitangazamakuru cyo muri […]

May 13, 2020 45