Indonesia: Bateguye irushanwa ryo kuvuma Coronavirus

Abantu bari guhangana n’iki cyorezo mu buryo butandukanye, ariko muri Indonesia hatangijwe uburyo budasanzwe.

Ishyirahamwe Jawasastra Culture Movement ryo ku kirwa cya Java, ryatangije irushanwa ryo ku rwego rw’isi ryo kuvuma Covid-19 nk’uburyo bwo kwimara agahinda, bakoresha amagambo ayituka.

Uzarusha abandi kuvuma iki cyorezo azahembwa icyayi, ibitabo bitatu, icyemezo ko yarushije abandi, umupira wo kwambara, bimwe mu byangombwa nkenerwa bya buri munsi, hamwe n’ikibiriti.

Mu gihe bari mu irushanwa ryo kuvuma iyi virus, imibare y’abari kuyandura imaze kurenga 75,000 .

Jakarta – umurwa mukuru wa Indonesia, aho covid yiganje – ku cyumweru yagize abanduye benshi cyane ku munsi umwe, bagera kuri 404.

Abanduye biyongereye cyane nyuma y’uko iki gihugu cyoroheje ingamba zo kwirinda, ndetse kiri kugenda gifungura ibikorwa by’ubukungu.

Written by: KT Radio Team

Rate it

Abafite ubumuga bifuza kutabarirwa mu byiciro by’ubudehe by’imiryango yabo

Abafite ubumuga butandukanye bifuza ko batashyirwa mu byiciro by’ubudehe by’imiryango yabo, kuko bibabangamira mu gihe hagize ukenera ubuvuzi bwihuse kandi umuryango we wose utarishyura ubwisungane mu kwivuza. Ibyo biravugwa mu gihe Minisiteri y’Ubutegetsi bw’igihugu iherutse gutangaza imiterere y’ibyiciro bishya by’ubudehe, aho byavuye kuri bine biba bitanu kandi bihindurirwa inyito. Gusa nta mwihariko wagaragajwe urebana n’abafite ubumuga. Umva inkuru irambuye hano:

July 14, 2020 54