USA: Umunyeshuri yafunzwe azira kudakora umukoro wo mu rugo

Muri leta zunze ubumwe z’amerika, abanyeshuri bigabije imihanda bamagana icyemezo cy’umucamanza cyo gufunga umwana kubera ko atakoze umukoro we wo mu rugo.

Uyu mwana w’umukobwa w’imyaka 15, akaba yarafunzwe mu mwaka ushize azira gukubita n’ubujura ariko aza kurekurwa by’agateganyo, ategekwa kuzajya akurikira amasomo ye.

uyu mwana usanzwe ufite ibibazo byo mu mutwe rero, akaba yarongeye gutabwa muri yombi arafungwa, nyuma y’uko ananiwe kurangiza amasomo ye mu gihe cya covid 19.

Abarimu n’abanyeshuri bagenzi be bakaba bari kwigaragambya basaba ko uyu mwana arekurwa, cyane cyane ko hari abandi banyeshuri benshi batakurikiye amasomo yabo neza mu gihe bari muri gahunda ya Guma mu rugo.

Urukiko rwo muri leta ya Michigan rukaba rwatangaje ko ruziga ku kibazo cy’uyu mwana w’umukobwa mu minsi iri imbere

BBC