Umugore wifuzwa muri 2050 ni uwuzuza inshingano z’urugo kandi wateye imbere

Mu gihe mu Rwanda hatangiye gutekerezwa ku bizagerwaho muri 2050, urugaga rw’abagore rushamikiye kuri RPF rwifuza ko icyo gihe umugore w’umunyarwanda azaba abasha kuzuza inshingano z’urugo neza, yaranateye imbere kurusha.

Hélène Uwanyirigira ukuriye inama y’igihugu y’abagore mu Karere ka Huye, avuga ko umugore wifuzwa muri 2050 ari uzaba yuzuza inshingano eshatu kandi akazuzuza neza.

Pélagie Kayirebwa, uhagarariye urugaga rw’abagore rushamikiye ku muryango RPF mu Karere ka Huye avuga ko mu cyerekezo 2050, batangiye urugamba rwo kwegera abagore, mu midugudu batuyemo, hakarebwa icyo bakeneye bakakibafashamo.

Ni muri urwo rwego hatangijwe gahunda yo kuremera abagore b’abakene cyane, bakagurizwa ibihumbi 100 bifashisha mu dushinga duciriritse, hanyuma bagahabwa ababarusha ubumenyi babaherekeza kugira ngo udushinga twabo tudahomba, ahubwo bunguke, hanyuma na bo mu bihe biri imbere bazabashe kuremera bagenzi babo.