play_arrow
KT Radio Real Talk, Great Music
Perezida wa Repubulika Paul Kagame na Madame Jeannette Kagame kuri uyu wa Kane tariki 11 Werurwe bakingiwe Covid-19. Icyo gikorwa cyabereye ku bitaro byitiriwe Umwami Faisal mu Mujyi wa Kigali.
Nk’uko byagaragajwe ku rubuga rwa twitter rw’ibiro bya Perezida wa Repubulika, Perezida Kagame na Madame Jeannette Kagame biyongereye ku bandi Baturarwanda barenga ibihumbi 230 bamaze gukingirwa iki cyorezo, kuva ibikorwa byo gukingira byatangira ku wa gatanu w’icyumweru gishize.
Minisitiri w’Ubuzima, Dr Ngamije Daniel, ni umwe mu bayobozi bari bahari ubwo Perezida Kagame yakingirwaga, na we kandi akaba yarakingiwe mu ba mbere mu Rwanda.
Ku wa gatatu tariki 3 Werurwe 2021, ubwo inkingo zageraga i Kigali, Perezida Kagame yagaragaje ko ari intambwe itewe kuba u Rwanda na Afurika muri rusange bigiye gukingira abaturage babyo.
Icyo gihe Perezida Kagame yanditse kuri twitter ko umugabane wa Afurika wategereje inkingo igihe kirekire, ndetse bimwe mu bihugu byari byarakoze ibikenewe neza ndetse byiteguye bihagije.
Perezida Kagame icyo gihe yavuze ko hari ibihugu bimwe byari byagaragaye nk’ibiri hejuru y’ibindi, yamara kandi ibihugu byose bikeneye inkingo mu buryo bwihuse.
Yavuze ko ari amakuru meza kubona inkingo za COVID-19 zigera muri Afurika ashimira ubufatanye bwa Covax bwafashije uyu mugabane kubona inking.
Perezida Kagame ari mu ba perezida ba mbere bo ku mugabane wa Afurika bahawe uru rukingo rwa Covid-19, kuva bimwe mu bihugu byo kuri uyu mugabane byatangira guhabwa inking za Covid-19 muri gahunda yiswe Covax.
Umubyeyi witwa Hagumirema Déogratias wo mu Kagari ka Nkora mu Murenge wa Kigeyo ho mu Karere ka Rutsiro, aratabariza umwana we umaze imyaka 12 afashwe n’indwara idasanzwe bakaba baragerageje kumuvuza ubushobozi burabashirana. Uwo mwana yafashwe n’indwara y’uruhu yafashe umubiri wose cyane cyane mu isura, ku buryo agira agahenge ari uko asizwe amavuta agurirwa mu bitaro bya Gisirikare i Kanombe, ari na yo amugabanyirizwa ubwo uburibwe.
Post comments (0)