Goma: Abigaragambya bazindukiye mu ibikorwa byo gusahura inyubako za MONUSCO

Mu gitondo cyo kuri uyu wa kabiri haramutse ibikorwa byo gusahura inyubako za MONUSCO mu mujyi wa Goma nyuma y’imyigaragambyo yo kuwa mbere nayo yabayemo ubusahuzi no gutwika.

MONUSCO yamaganye ibitero ku nyubako zayo i Goma ivuga ko amahoro atazabonekera “mu mvururu”.

Imyigaragambyo ikomeye yagjeje mu ijoro ryo kuwa mbere yabayemo gusahura no gutwika zimwe mu nyubako za MONUSCO i Goma.

BBC ivuga ko, mu gitondo kuri uyu wa kabiri abaturage bigabije kimwe mu bigo bya MONUSCO i Goma basahura ibikoresho byacyo, nk’uko ibinyamakuru byaho bibivuga.

Hari ubwoba ko iyi myigaragambyo n’ubusahuzi bishobora gukomera kuri uyu wa kabiri.

Abigaragambya bavuga ko bashaka ko izi ngabo za ONU ziva mu gihugu cyabo, ariko barimo kurangwa n’ibikorwa byo gusahura.

Abigaragambya bo banenga MONUSCO kuba mu myaka irenga 20 imaze mu burasirazuba bwa DR Congo nta musaruro itanga kuko aka gace gakomeje kuba isibaniro.

Ni mugihe, Khassim Diagne, umuyobozi mukuru wa MONUSCO w’inzibacyuho, mu itangazo ryamagana ibi bikorwa yavuzeko ibiri kuba bitazageza ku mahoro yifuzwa.

Written by: KT Radio Team

Rate it

Minisitiri Dr Biruta yahagarariye Perezida Kagame mu nama ya ECCAS

Minisitiri w’Ububanyi n’Amahanga Dr Vincent Biruta, ku wa mbere tariki 25 Nyakanga 2022, yahagarariye Perezida Paul Kagame mu nama ya 21 isanzwe y’abakuru b’ibihugu na za guverinoma bahuriye mu muryango w’ubukungu w’ibihugu bya Afurika yo hagati, ECCAS. Iyi nama iri kubera i Kinshasa muri repubulika ya demokarasi ya Congo, nk'igihugu kiyoboye uyu murango. nk'uko urubuga rwa minisiteri y'ububanyi n'amahanga rwabitangaje. Mu bakuru b’ibihugu bitabiriye iyi nama harimo Perezida wa Tchad, […]

July 26, 2022 92