Goma: 15 bamaze kugwa mu mvururu zo kwamagana MONUSCO

Abasivile 12, abapolisi babiri n’umusirikare umwe ba MONUSCO ni bo bamaze gupfira mu mvururu zirimo imyigaragambyo n’ubusahuzi byo kwamagana izi ngabo za ONU muri DR Congo, nk’uko abategetsi babivuga.

**Abigaragambya basaba ko abasirikare ba MONUSCO bava mu gihugu**

Ubu butumwa bw’umuryango w’abibumbye bwo kubungabunga amahoro muri DR Congo, MONUSCO, buvuga ko umusirikare umwe n’abapolisi babiri babwo biciwe mu gitero bagabweho n’abitwaje intwaro, naho undi arakomereka bikomeye.

MONUSCO ivuga ko icyo gitero cyo ku wa kabiri cyabereye mu kigo cyayo cyo mu mujyi wa Butembo muri Kivu ya Ruguru, mu burasirazuba bw’iki gihugu.

MONUSCO ivuga ko abateye bashikuje imbunda abapolisi ba Congo, bakarasa begereye ababungabunga amahoro ba MONUSCO.

Abigaragambya ku wa kabiri bagaragaje uburakari batewe n’iyicwa rya bagenzi babo bapfuye kuva ibi bikorwa byatangira ku wa mbere.

**Ku wa mbere imodoka za MONUSCO zaratwitswe**

BBC yatangaje ko Guverineri w’intara ya Kivu ya ruguru, Lieutenant Général Constant Ndima, ku wa kabiri nijoro yatanze ubutumwa bwo guhagarika imyigaragambyo yose muri iyo ntara.

Hashize igihe hari abaturage binubira abasirikare ba MONUSCO bagasaba ko bava mu gihugu, bavuga ko bananiwe kugarura umutekano nyuma y’imyaka irenga 20.

Written by: KT Radio Team

Rate it

U Rwanda mu bihugu bigiye kugeragezwamo ishyirwa mu bikorwa ry’amasezerano y’isoko rusange rya Afurika

U Rwanda rwatoranijwe mu bihugu bigiye gutangira igeragezwa ryo gukorana ubucuruzi mu isoko rusange rya africa (AfCFTA) mu cyiciro kirimo n'ibindi bihugu bitandatu. Ni mu rwego rw'igerageza ry'amasezerano y'iri soko. Amasezerano ashyiraho isoko rusange rya Afurika yemerejwe i Kigali muri 2018 Ubunyamabanga bwa AfCFTA bufite ikicaro muri Ghana buvuga ko iki cyemezo kigamije gusuzuma uburyo bw'imikorere, Amategeko, politiki y'ibanze y’ubucuruzi hagati y’ibihugu byo kuri uyu mugabane wa Afurika. Ibihugu byatoranijwe […]

July 27, 2022 172