Uganda igiye guhabwa inkingo za Ebola

Uganda ku bufatanye n’ishami ry’umuryango w’abibumbye wita ku buzima, OMS barigutegura kugerageza inkingo ebyiri za Ebola ikomoka muri Sudani, mu rwego rwo kurwanya icyo cyorezo.

Kugeza ubu, icyo cyorezo kimaze kwica abantu 19 kuri 54 bamaze kucyandura mu turere dutanu twa Uganda.

Uganda yakiriye abaminisitiri b’ubuzima baturuka mu bihugu 11 mu nama y’umusi umwe yabaye ku wa gatatu. Yari iyo kwitegura urwo rukingo no guhangana na Ebola.

Minisitiri w’ubuzima muri Uganda, Dr. Jane Ruth Aceng, yavuze ko Uganda yiteze guhabwa ubwoko bubiri bw’inkingo za Ebola.

VoA ivuga ko OMS, ikirindiriye ko izo nkingo zemerwa na reta ya Uganda, ndetse bishobotse byitezwe ko zizahagera mu cyumweru gitaha.

Ebola yo muri Sudani yatangiye kugaragara bwa mbere mu majyepfo ya Sudani mu 1976. Kuva icyo gihe warushijeho kwandurwa n’abantu muri Uganda na Sudani. Muri Uganda yatangiye mu 2000 yica abarenga 200.